BLOGGERRRRRRRRRRRRR

其實我都唔知呢blog睇o既有咩人...
確實我知.. 我的朋友隙隙可數.. 文字亦非上佳..
自閉行動升級又好或者係自得其樂也, 我繼續寫.
之前想寫投資會係一個美麗開始, 事關我大多朋友知我做左三年banking, 以為皮毛都有三兩.
其實, o係呢o個知識咁泛濫internet, 我只係會獻醜, 打中文字係困難, 亦唔想誤人子弟,
你有投資o既, 一齊o係度share冇問題. 有tips都話俾我聽喎!!!
正當我o係度反思我寫blog o既用意, 觀眾對我o既重要之際(商業同藝術觀眾都欠奉, 摺埋係理所當然), 我發現一個feedback. 原來係另外一個blog友留下o既一條link.

五帥亨
http://ngszehin.mysinablog.com/index.php?op=ViewArticle&articleId=559086

條link入面有174個blog, 有來自五湖四海之士, 有生意人, 有名人, 有學生 etc.
blog o既內容或文章有投資, 有生活, 有興趣, 總之五花八門.
一個會考題目將我們的焦點放o係一杯檸檬茶上.
而我亦榜上有名.
雖然我百思不得其解五帥亨點搵到呢度, 感激五先生在此留名..
原來我亦都成為blog界其中一份子.

我集合左我地班friend o既xanga link, 得閒click下, 睇下lulu有咩野寫都好
想我地close d, 唔係只係四方城裡面o既鄰居.

p.s. 2007年歐聯利物蒲對ＡＣ米蘭

Confession

Amidst a war which has been waged against every front, I screamed and cried battling alone.
Like the Spartans in the Ancient Greek, I am honored within but wounded deadliest.
Straying home, I can breathe the taste of blood and tear shed on the ground zero where they slaughtered me into pieces.

Defeated I am, thoroughly.

檸檬茶

我記得, 和你的緣份, 起始於學校飯堂上, 一盒購自汽水售賣機的 250ml 陽光紙包檸檬茶；三個月後, 你、我、和他, 困在新釗記茶餐廳的卡位, 我們仨, 也是一面呷著由熱轉冷的檸檬苦茶, 一面談著掟煲費的細節。

我垂頭不語, 真空的腦海, 只有耳朵聽見電視機播出的晚間新聞和茶餐廳內細讀馬經的阿叔在自言粗語. 未有勇氣或準備去面對一個這個仿佛必需面對的階段. 望著前面的一杯檸檬苦茶, 與我們的愛情故事有所共鳴.
是否愛情不能歷久常新?
是否太了解對方, 抑或是彼此太過了解?
還是情盡緣滅, 月老錯手剪斷了我們的紅線?
畢竟了解有開始就意味著有結束. 不論是喜與悲, 早或遲, 分開是行程的終點站. 過程往往像我們開始的檸檬茶一樣, 喝到最低, 最深, 剩餘的是酸溜溜和苦澀澀.

本來作左一整篇, 諗住打出黎, 試一試作下文
上高highlight左o既一段其實係會考o既考試題目
不過發現內容o既老土又沒趣,
"乜乜挽著你軟如綿, 滑如絲的手"
唯有嘆息我嚴重欠缺作家o既創意...
一篇以檸檬茶為題的文章我都不能寫得好... 我根本沒有artist的天份..
其實我一早了解我是一個creativity dumb, 一隻copycat...
一片康鈣思... "咋"....

我但願creativity係有後天培養...

利物蒲

除左打牌, 令我零辰五點幾都依然抗奮的, 只有睇利物蒲的球賽. 特別係歐聯.

諗番轉頭, 可能帶有點傻強扶弱心態, 一開始睇波就鍾意紅軍, 而並非當時紅極一時, 大踢悅目足球o既阿仙奴又或者世界上最多粉絲o既曼聯. 雖然算不上係狂熱粉絲, 並經常俾朋友笑利物蒲水皮, 我行我素, 我係 liverpullian!!!!! 球衣, 風褸, 頸巾, 相片, 甚至只有英國先買到o既謝拉特自傳都有收藏.

2005 年利物蒲嬴歐聯冠軍, 係好運, 係神話, 亦都係奇蹟.

上半埸落後3比0, 我心灰意冷, 關了電視, 把頭擠進枕頭, 倒頭便睡.

心想能過祖雲達斯, 撼嬴車路士, 都已經不愧江東父老.

明早才驚覺利物蒲下半埸八分鐘內追和3:3, 加時再互射十二碼, 舒夫真高宴客, 嬴了當時大熱的AC米蘭. 從Istanbal捧走利物蒲第五次錦標.

2007年5月1日歐聯四強次回合, 我依然懷疑我地可否從首回合落後0:1的劣勢下, o係主埸anfield再一次擊敗車仔, 去雅典同宿敵曼聯決一高下.

我同自己講You will never walk alone... 點都支持下啦, 又用左幾舊水裝now tv.

再一次, 係再一次被睇淡o既情形低下勝出重要兼且漂亮的一仗. 看罷腦海係紅色的, 訓得一個鐘, 係低o既.

加油呀利物蒲!!!!!!!